-- ADVERTISEMENT --

Nagpatigayon sang Family Advocacy Activity kontra ilegal nga droga ang City Anti-Drug Abuse Council, sa pakig-angot sang Philippine National Police (PNP), Bureau of Jail Management and Penology (BJMP) kag Philippine Drug Enforcement Agency (PDEA), sa Barangay Punta Tabuc kag Barangay 9 sa Roxas City.

Kabahin ini sang inisyatibo sang lokal nga panguluhan agud mahatagan sang nagakaigo nga giya kag suporta ang mga pamilya nga apektado sang problema sa ilegal nga droga.

Paagi sa dayalogo, ginahatagan sang mga nagakaigo nga laygay ang mga pamilya agud malikawan ang paglapta sang paggamit sang ilegal nga droga kag mapabakod ang ila paghangop sa importansya sang paglikaw sa bisyo.

Kadungan sini, ginpatigayon man ang on-the-spot drug testing bilang kabahin sang aktibidad.

Samtang, ginpahayag sang City Government nga bukas ang syudad sa paghatag sang bulig kag suporta sa mga pamilya nga handa magbag-o, agud mabuligan sila nga magbag-o sang ila kabuhi kag indi na masunod ang negatibo nga binuhatan sang ila mga miyembro sang panimalay.

-- ADVERTISEMENT --