-- ADVERTISEMENT --

Nagpanawagan si House Speaker kag AIPA President Faustino “Bojie” Dy III sa mga mamalidha sa Southeast Asia nga pabaskugon ang paghiliusa kag isaylo sa konkreto nga kasuguan ang mga kasugtanan para sa isa ka malinong, mainuswagon, kag nakasentro sa pumuluyo nga ASEAN.

Ginhimo ni Speaker Dy ang pahayag matapos ang pormal nga pagbukas sang 47th General Assembly ng ASEAN Inter-Parliamentary Assembly (AIPA).

Ginhatagan pagtamod ni Dy nga ang mga parlamento ang naga-uyat sang gahum sa paghimo sang mga kasuguan kag pag-alokar sang pundo agud masiguro nga ang mga mangunguma, mamumugon, kag magagmay nga mga negosyo makabatyag sang pag-uswag sa idalum sang ASEAN Community Vision 2045.

Gin-engganyo man niya ang mas suod nga kooperasyon sa rehiyon batok sa mga pamahog sa cybercrime, disinformation, kag artificial intelligence (AI).

Bilang presidente sang AIPA, ginpasalig ni Dy nga pabaskugon sang Pilipinas ang kaangtanan sa tunga sang ehekutibo kag sang lehislatura, kadungan sang pagpanindugan sini nga kaangay sang nahigot nga uhay sang humay sa logo sang ASEAN, wala sang bagyo ukon pagpanghangkat nga makaguba sang rehiyon kon ang 11 ka mga katapo sini nga pungsod ang nagahugpong.

-- ADVERTISEMENT --