-- ADVERTISEMENT --

Nagapanawagan ang Traffic Management Unit sang Roxas City sa mga motorista nga sundon ang mga patakaran sa trapiko kag likawan ang pagparking sa mga lugar nga ginadumilian agud malikawan ang aksidente kag pagpugok sa dalagan nga trapiko.

Sa interview sang Bombo Radyo kay Osmeña A. Aguirre, traffic auxiliary, iya ginpahayag nga padayon ang ila pagbantay sa mga motorista nga nagapark sa mga lugar nga wala ginatugutan.

Suno kay Aguirre, dako nga bulig sa ila ang bag-o nga mga tanod outpost bangud may mga tanod na nga nagabulig sa pagdumala sang trapiko kag pagbantay batok sa illegal parking.

Dugang pa sang natungdan, padayon ang ila operasyon agud masiguro ang hapsay kag luwas nga pag-agi sang mga salakyan sa nagkalain-lain nga dalanon sa syudad.