IVISAN, CAPIZ – Nagpasalig ang abogado sang NKS Marketing nga tinguhaan sang kompanya nga mabuligan ang mga biktima nga naulamid sa natabo nga aksidente sang damlag lang sa Pob. Norte, Ivisan, Capiz.
Sa interview sang Bombo Radyo kay Atty. Alfredo Arungayan III, ginpahayag sini nga pagasabton sang kompanya ang mga galastuson sang mga biktima nga naospital kag ilabi na sa pamilya sang duwa ka biktima nga napatay.
Samtang, natalana naman sa Agosto 25 ang masunod nga meeting sa tag-iya sang mga nagkalasamaran nga salakyan kun sa diin pagaplastaron kun ano ang maasister nila nga bulig.
Kinahanglan lang suno diri nga magpakita sang nagakaigo nga mga dokumento kun pila ang danyos sang ila mga salakyan.
Nagpasalamat man ini bangud nangin maayo ang pag-atubangay sang damlag sa mga biktima kag ginpasalig sini nga i-provide sang kompanya kun ano ang mga kinahanglanon nga dapat areglohon.
