Nagtaliwan na ang aktres nga si Rosa Rosal kag kilala nga humanitarian nasa edad nga 97 nga nagdedikar sang iya kabuhi sa pagserbisyo sa Philippine Red Cross (PRC) sa sulod sang masobra pito ka dekada.
Sugod sang 1965, si Rosal nangin katapo sang Board of Governors sang PRC.
Sa sulod sang iya malawig nga pagpungko, nangin isa siya ka mayor nga nagapanguna para sa boluntaryo nga pagdonar sang dugo sa bug-os nga pungsod, ginpabakod ang mga serbisyo sa ikaayong lawas sang organisasyon, kag gingamit ang iya plataporma sa pagpasanyog sang kaluoy, pagboluntaryo, kag pag-amlig para sa labing mahuyang sa katilingban.
Si Gov. Rosal nagbilin sang malahalon nga palanublion sang matuod nga pagserbisyo, dignidad, kag pagpalangga sa isigkatawo, isa ka palanublion nga padayon nga magatuytoy sa Philippine Red Cross kag magahatag inspirasyon sa palaabuton nga mga henerasyon sang mga boluntaryo.
Pila man sa mga pelikula nga iya ginbidahan amo ang Anak Dalita (1956), Badjao (1957), kag Biyaya ng Lupa (1959).
