Adele, magapahuway sang pila ka tuig matapos ang konsyerto sa Nobyembre

Gin-anunsiyo sang singer nga si Adele nga magapahuway ini sang madugay.

Ginhimo sang Grammy-winner ang anunsiyo sa iya nga concert sa Munich.

Ginpahayag sini nga kun matapos na ang iya mga shows sa Las Vegas sa bulan sang Nobyembre magapahuway na ini sang madugay.

Dugang pa sang singer nga sa sulod sang pito ka tuig, ginbag-o sini ang iya kabuhi kag luyag sini nga mangabuhi bilang normal nga tawo.

Wala naman sini ginsambit kun tubtob san-o ini magapahuway.

Matandaan sadtong 2019 sang gin-anunsiyo ang pagbulagay nila sang nobyo nga si Simon Konecki.

May yara sila sang anak ni Konecki kag matapos ang relasyon, nangin huring-huring ang bag-o nga karelasyon sini nga si Rich Paul sumugod sadtong 2021.