Aerosmith, magaretiro na sa pagpatigayon sang mga concert

Gin-anunsiyo na sang legendary rock band nga Aerosmith ang ila pagretiro sa pagpatigayon sang mga concerts.

Sa social media account sang banda, ila ginpalab-ot ang masubo nga anunsiyo.

Isa sa rason sini amo ang pag-angkon sang problema sa boses sang ila lead vocalist nga si Steven Tyler.

Bangud sini, nagdesisyon sila nga kanselahon ang mga concert tours.
Ila man ginpanugyanan ang mga nakabakal sang tickets nga mahimo nila nga i-refund.

Una sini sadtong nakaligad nga tuig, napilitan man sila nga kanselahon ang concerts bangud sa problema sa boses ni Tyler.

Pila sa mga ginpasikat nga kanta sang grupo amo ang “Amazing”, “Living on The Edge”, “Crazy” kag madamo nga iban pa.