Gin-akusaran sang Taliban government ang Pakistan sa isa ka airstrike nga nag-igo sa isa ka ospital sa Kabul nga ginkapatay sang ginatos ka mga indibidwal.
Sandig sa report, gin-igo ang isa ka drug treatment center kun sa diin masobra 2,000 ka mga pasyente ang ginabulong. Masobra 30 ka mga bangkay na ang narekober samtang padayon pa nga nagakasunog ang pila ka bahin sang ospital.
Hugot naman nga ginpanginwala sang Pakistan ang panimangod, ginsiling nga target lamang nila ang mga military installation kag mga ginapahayag pasilidad sang mga terorista.
Samtang, ginsiling sang Afghan Health Ministry nga wala sang military facility sa palibot sang ospital. Pila ka mga residente man ang nagreport sang makusog nga pagsigabong antes natabo ang amo nga insidente.
Padayon ang pagtaas sang tensyon sa tunga sang duha ka mga pungsod, kun sa diin suno sa UN, 75 na ang napatay kag 193 ang pilason sa border clashes umpisa Pebrero, sa pihak sang naga-egsister nga ceasefire.
