Gindayaw sang Civil Aviation Authority of the Philippines (CAAP) ang professionalism sang isa ka tagalimpyo sang airport sa Misamis Oriental.
Wala ini nagduha-duha nga ibalik ang napulot nga bag nga nabilin sa Laguindingan Airport.
Ang nasambit nga bag, may sulod ini nga P50,000!
Suno sa report, nabilin sa arrival area sang airport ang bag takna alas siyete sang aga.
Sang makita sang airport cleaner nga si Joshua Bustamante ang bag, gilayon niya ini nga ginpahibalo sa pamunuan sang airport agud makita ang tag-iya sini.
Nakuha naman sang babaye nga tag-iya sang bag ang iya gamit kag kwarta makaligad ang halos duha ka oras.
Suno kay CAAP Area Center 10 Manager Engr. Job De Jesus, ginpakita ni Joshua ang pinakamataas nga basehan sang honesty kag pagserbisyo sa ila nga ahensya.
Duna na nga honest kag maayo ang mga Pilipino, apang sa pihak nga bahin, wala na ini nahatagan sang importansya kag hinay-hinay na ini nga nadula.
Kasubong man, may mga tawo nga kapareho ni Joshua nga mas ginapili ang maghimo sang maayo kag magpakita sang integridad nga dapat naton nga ginasunod sa pang-adlaw-adlaw naton nga pagpangabuhi.
