Napaslawan nga makausad si Filipino tennis star Alex Eala sa W100 Bengaluru matapos ini nga ginlutos sang lower-ranked Slovenian tennis player nga si Dalila Jakupovic.
Gindomina ni Jakupovic ang hampang, sa iskor nga 4-6, 4-6 sa sulod sang isa ka oras kag 21 mins, rason agud makasulod ini sa quarterfinals sang nasambit nga turneyo.
Sa una nga parte sang laban, kaangay nga mangin ‘easy win’ ang laban para kay Eala apang sa ulihi, nangin madinalag-on ang experience sang 33-anyos nga si Jakupovic kontra sa 19-anyos nga Pinay star.
Wala na man nakabangon pa si Eala sa ulihi nga parte sang laban tubtob sa ika-10 nga hampang bangud wala nagpabaya ang batikan nga World No. 213 kag tayuyon nga nabulsa ang ulihi nga laban.
Sa pag-usad ni Jakupovic sa quarterfinals, makakontra sini si Linda Fruhvirtova sang Czechoslovakia.
Nagapabilin naman bilang World No. 136 ang Pinoy tennis star.
