-- ADVERTISEMENT --
Magluwas sa pagsaka sa Women’s Tennis Association (WTA) ranking, magadala pauli ang Pinay tennis star nga si Alex Eala sang masobra P19 million nga premyo kasunod sang iya impresibo nga performance sa 2025 Miami Open.
Sa kaangay sini nga turneyo, ang semifinal appearance sigurado nga magadala sang garantisado nga presyo nga US$332,160 ukon kapin sa P19 milyones.
Ang kapin sa P19 milyones nga iya dalhon pauli sa nasmbit nga turneyo ang malayo nga mas dako ikumparar sa kabug-usan nga $32,000 nga nabulsa ni Eala sa bug-os nga season.
Samtang, kun nakalab-ot man sa finals ang 19-anyos nga tennis star, sigurado na ang pagbulsa niya sang $597,890 (P34M) samtang $1,124,380 (P64.5M) naman kun ginkoronahan siya nga kampeon.
