Natapos na ang kampanya ni Pinay tennis star Alex Eala sa W125 Mumbai Open.
Ini matapos lutuson siya ni Mai Hontama sang Japan sa score nga 6-7(5-7), 2-6.
Nangin dako nga pagtilaw para sa 19-anyos nga si Eala ang first set bangud nag-extend ini.
Bangud sini, nabuka sang Japanese tennis star ang 2-2 tie sa second frame agud mapagkit ang ika-apat nga sunod nga kadalag-an kag maka-abanse sa quarterfinals.
Napaslawan man si Eala sa doubles event kung sa diin wala sila nakaporma sang kaupod sini nga si Chia Yi sang Chinese Taipei batuk kay Russian number 2 nga si Amina Anshba kag Elena Pridankina sa score nga 6-4, 6-4.
Ini na ang ika-lima nga singles tournament sang tuig ni Eala kung sa diin temprano nga nagtakop kadungan nga mapaslawan nga makahampang sa Singapore Open sadtong tinalikdan nga semana.
