Napaslawan nga makaabot sa finals sang WTA Canberra International si Filipino tennis star Alex Eala matapos ini nga ginlutos sang Chinese player nga si Wei Sijia sa semifinal match sang mga ini sa Australia.
Sa una nga set, nakahimo pa si Eala sang impresibo nga performance apang padayon man ini nga ginpabagsak sang world no. 132 – 7-5, 6-2.
Bangud sini, indi na makatapak si Eala sa Finals sang WTA 125 nga una nga nagsugod ang qualifying rounds sang Disyembre 2024.
Sa nasambit nga torneyo, nahimo ni Eala nga pabagsakon ang pila bihasa nga tennis player nga ginakalakipan nanday Sinja Kraus sa Round of 32 kag Arianne Hartono sa Round of 16
Sa pag-usad sini sa quarterfinals, nahimo sini nga lutuson ang pambato sang Australia nga si Taylah Preston,sa iskor nga 4-6, 6-2, 6-1. Si Eala ang world no. 147 sa women’s tennis world ranking.
