Ginkasuhan sang Department of Justice (DOJ) ang dismissed Bamban, Tarlac Mayor Alice Guo sang 62 ka kaso sang money laundering.
Si Guo ang yara sa karon sa kustodiya sang Pasig City Jail bangud sa kaso nga 26 counts sang paglapas sa Anti-Money Laundering Act (AMLA).
Nagapangatubang man ini sang Lima ka kaso nga paglapas sa Section 4 (b) sang amo man nga kaso sa pag-convert, pagsaylo kag pagbakal ukon paggamit sang instrumento ukon propyedad.
Nagapangatubang man sa amo nga kaso ang iya mga ginikanan nga sanday Jian Zhong Go kag Lin Wenyi, subong man ang iya mga utod nga sanday Shiela kag Seimen, kag 26 ka iban pa nga imbolbado sa operasyon sang Philippine Offshore Gaming Operators (Pogo).
Base sa 48-page nga resolusyon nga gin-isyu sang DOJ panel of prosecutors, ang ganansya gikan sa POGO sa Baofu compound nga ginapanag-iyahan ni Guo ang ginsaylo sa iban pa nga lehitimo nga negosyo sang pamilya.
Sang 2023, gin-raid sang mga otoridad ang POGO sa Baofu compound sa diin nadakpan nila ang 300 ka mga dumuluong, kalabanan mga Chinese citizens.
Ginkumpirmar ni Prosecutor General Richard Anthony Fadullon nga ginpasaka na nila ang kaso sa korte sang Capas samtang sang Enero pa ginpaguwa ang resolusyon.
