ROXAS CITY – Ginkompirmar ni Maayon Mayor Raymond Malapajo nga may yara sang koordinasyon sa lokal nga gobyerno sang banwa ang pag-abot sang negosyante nga si Patrocenio Chiyuto sa Roxas City matapos nga ini ang nagpadulong sa Metro Manila.
Suno kay Malapajo, may yara sang Letter of Acceptance si Chiyuto gikan sa banwa sang Maayon nga gin-koordinar man suno diri sa City Disaster Risk Reduction and Management Office (CDRRMO) sang Roxas City.
Ginpahayag ni Malapajo nga ginpaboran man sini ang hinyo sang nasambit nga negosyante bilang balik sa iya pagbulig sadto sa pagsponsor sang isa ka flight sa amo nga banwa.
Apang ginpaidalom sa gihapon ini sa facility quarantine sa Barangay Tapulang, Maayon.
Pag-abot sa pasilidad suno kay Malapajo, naglain ang pamatyag sang nasambit nga negosyante bangud sa iya diabetes kag na-dehydrate ini matapos naghulat sang madugay nga inoras sa Roxas City Airport kag City Health Office matapos nga ini ang ginlalip sang mga otoridad.
Naglaong suno diri si Chiyuto nga magapacheck-up ini sa ospital apang wala pa siya makapirma sa undertaking, naglakat na ini.
Nagpanawag naman si Malapajo sa CDRRMO kag diri iya nakompirmar nga napacheck-up gidman ang amo nga negosyante.
