Amay, patay matapos ginlampusan gamit ang kahoy kag pala sang kaugalingon nga bata

Patay ang isa ka amay matapos ginlampusan sang iya kaugalingon nga bata gamit ang kahoy kag pala sa sulod sang ila balay sa Davao City.

Sa report, natabo ang krimen Martes sang gab-i sa sulod sang ila balay sa Barangay Tapak.

Nagaguha sa imbestigasyon sang kapulisan nga nagapangape ang 58-anyos nga amay sang nag-abot sa balay ang iya 30-anyos nga bata nga naga-uyat sang kahoy.

Ginpahayag nga ginlampusan lang sang suspek ang biktima gamit ang kahoy. Sunod, ginaalegar nga ginkuha sang suspek ang pala kag ginlampusan ang iya amay tubtub mapatay.

Personal nga akig ang ginatan-aw sang mga otoridad bilang motibo sang suspek sa krimen.

Nadakpan naman ang suspek kag magapangatubang sa nga parricide.