Padayon nga magadala sang magal-umon nga kalangitan kag mga pag-ulan-ulan ang Northeast Monsoon ukon Amihan sa naaminhan kag sentral Luzon sa sulod sang 24 oras.
Ang mga lugar naman sa rehiyon sang Cagayan Valley, Aurora, kag Quezon ang makaeksperyensya sang katamtaman tubtob mabaskog nga pag-ulan, kag posible magresulta sang mga flash floods kag landslides.
Maeksperyensyahan man ang magal-umon nga kalangitan kag mga pag-ulan kung sa diin may upod nga pagpangilat dala sang easterlies sa may Surigao del Norte, Surigao del Sur, kag Dinagat Islands.
Pag-abot sa Metro Manila kag nabilin nga bahin sang Luzon, magapabilin nga magal-umon ang kalangitan nga may malaka nga pag-ulan-ulan apang wala sang ginalauman nga dako nga epekto sa panahon.
Ang iban nga bahin sang pungsod, makaeksperyensya naman sang magal-umon nga kalangitan, may mga isolated nga pag-ulan ukon thunderstorms dala sang easterlies.
Samtang ang naaminhan nga bahin sang Luzon, ang makaeksperyensya sang katamtaman tubtob mabaskog nga hangin kag mabaskog nga balud sa dagat, samtang ang nabilin nga bahin sang pungsod makaeksperyensya sang kalmado nga kondisyon sang dagat.
Samtang, ginapahanumdum ang mga residente nga mangin mahalong sa posible flash floods ukon landslides, ilabi na sa panahon sang mabaskog nga pag-ulan ukon thunderstorms.
