Amihan, posible nga magsulod sa 2nd half sang Oktubre

Posible nga magsulod ang hanging Amihan sa 2nd half sang Oktobre 2024.

Base sa pagrekord sang weather agency sang Department of Science and Technology, posible nga magsugod ang transisyon sa tunga sang Amihan kag Habagat sa katunga sang Oktubre tubtob sa una nga semana sang Nobyembre.

Sa karon, naobserbahan na ang mas makusog nga paghangin sa Northern Philippines dala sang papasulod nga Amihan.

Suno sa ahensya, pagsulod sang Hanging Amihan, mabatyagan na ang mas malamig nga temperatura sa dako nga parte sang pungsod.

Samtang, ginalauman na man nga mabuo ang La Niña sa masunod nga bulan tubtob sa bulan sang Disyembre.

Posible man nga magpadayon ini tubtob sa una nga quarter sang 2025.