ROXAS CITY—Gina-estoryahan karon sa social media site nga Facebook ang post sang nagpakilala nga anay kabulig ni anay Tapaz Mayor Romualdo Exmundo Jr., sa diin ginbuyagyag ang ginaalegar partisipasyon sang anay alkalde sa pagpatay anay Tapaz Vice Mayor Victor Gardoce.
Suno kay Leomer Lapidez nga gin-ako sa iya ni Exmundo ang pagbayad sang P20,000 sa isa ka hired killer nga gikan sa Antique para patyon si Gardoce.
Gin-akusahan man ni Lapidez si Exmundo nga isa ka bading dahil sa ginhimo nga pagpang-abuso sekswal sa iya.
Sa matandaan nga gintiro-patay si anay Vice Mayor Gardoce samtang nagapakadto sa isa ka okasyon sa isa ka barangay sa nasambit nga banwa.
Nagkaisog si Lapides nga ibuyagyag ang nahibaluan bangud sa kaso nga qualified theft nga ginpasaka sa iya ni Exmundo sa diin may warrant of arrest na para sa iya.
