-- ADVERTISEMENT --

Nagtaliwan na ang anay PBA star nga si Peter June “PJ” Simon sa edad nga 46 anyos.

Hinali lang ini nga nadulaan sang animo sa isa ka exhibition game sa Davao City, subong nga Biyernes, Nobyembre 20.

Gindala ini sa San Pedro Hospital sa Davao City apang wala ini nakaluwas.

Kilala sia bilang “The Scoring Apostle” kag “SuperSub”.

Naghampang siya upod sa Purefoods sa sulod sang 17-seasons sa PBA sa diin nagdaug siya sang walo ka kampeonato.

-- ADVERTISEMENT --

Lakip diri ang 2014 Grand Slam antes magretiro sa paghampang sang 2020.

Ang tumandok sang Makilala, North Cotabato ang naghampang sa Davao Eagles antes nagsulod sa PBA sang 2004 kag walo ka beses nga napilian bilang All-Star antes sang ulihi ginretiro sang team ang iya Number 8 nga jersey.

Bisan pa nga nagretiro na sa PBA, nagahampang gihapon siya sang basketball sa Mindanao kun sa diin sang 2024 ginpangunahan niya ang Pilipinas Super League regional program nga nagabulig sa mga pamatan-on nga may interes sa basketball.