-- ADVERTISEMENT --

Ginpakita sang defense team ang mga litrato sang pasilidad sang Cale88 Foods Corporation nga nakuha sa virtual inspection nga ginpatigayon sang 2021 bilang kabahin sang testimonya ni Department of Trade and Industry (DTI) Undersecretary Ceferino Rodolfo sa impeachment trial ni Vice President Sara Duterte.

Makit-an sa mga laragway ang ginpatigayon nga virtual inspection sa kompaniya sa presensya ni Dr. Lourdes Lebosada, nga una na nga ginsambit sa trial bilang dentista sang bise presidente.

Nahibaluan nga sanday Lebosada kag asawa ni Duterte nga si Atty. Manases Carpio may shares man sa Cale88 sang gintukod ang kompaniya sang 2021.

Sa nasambit nga hearing, ginkumpirmar ni Rodolfo nga ang Cale88 ang nakarehistro sa Board of Investments ukon BOI bilang isa ka export enterprise.

Sa idalom sang amo nga rehistro, ginakinahanglan nga indi magnubo sa 70 porsyento sang kabug-usan nga produksyon sang kompanya ang gintalana para sa pag-eksport ukon pagbaligya sa luwas sang pungsod

-- ADVERTISEMENT --