Anay priso, dakop sa drug buybust operation sa Barangay 5

ROXAS CITY – Dakop ang isa ka anay priso sa ginkasa nga drug buybust operation sang Provincial Drug Enforcement Unit sang Capiz Police Provincial Office kag Station Drug Enforcement Team sang Roxas City Police Station sa Barangay 5, Roxas City.

Ginkilala ang nadakpan nga si Jesus Besana alyas Bukol, 48 anyos, residente sang nasambit man nga lugar.

Narekober sa posesyon sini ang 12 ka sachets sang shabu, P500 nga buybust money, kutsilyo kag wallet.

Mahibaluan nga una na nga naaresto ang suspek bangud man sa pagduso sang ilegal nga droga apang nahilway pinaagi sa plea bargaining agreement.

Magapangatubang ang suspek sa panumbungon nga paglapas sa Republic Act 9165 ukon Comprehensive Dangerous Drugs Act of 2002.