Nagpangayo na sang pasaylo ang aktor nga si Anthony Jennings kay Marris Racal kag Jamela Villanueva sang tinalikdan nga gab-i, Disyembre 6 pila ka oras lang sang ginwasak ni Maris Racal ang iya kalinong.
Suno kay Jennings ‘Sa lahat ho ng mga nangyari noong nakaraang araw, sa lahat ho ng mga taong nasaktan ko, especially po si Maris atsaka si Jam, humihingi ho ako ng tawad sa dalawang babae, and sa mga lahat po ng mga nadamay ko rin po.’
Kaangay nangin matipid lang ang mensahe sini kag dugang pa sini ‘Iyon lamang po. Sorry po ulit.’
Matandaan nga nag-ugat ang kontrobersiyal sa kampo ni Racal kag Jennings, bangud sa ginpost ni Jamela Villanueva ang pribado nga conversation ni Maris kag Anthony nga ginakaundan sang sensitibo nga mga pag-istoryahanay.
Kahapon man nga adlaw sang Martes gintuan ni Maris sa isa ka interbyu nga ginasubukan sini nga istoryahon si Villanueva sang Nobyembre apang wala ini sang nangin sabat.
Ginpanginwala man ni Maris nga wala ini kabalo nga may koneksyon pa ang aktor nga si Anthony Jennings kay Jamela Villanueva.
Sa karon, wala pa sang nangin opisyal nga pahayag si Jamella Villanueva tuhoy sa nangin pahayag sang duha ka aktor.
Wala naman napunggaan sang iban nga mga netizen nga magkuha sang opinyon sa mga professional kasubong na lamang sang Lawyer nga ginhayag ang ila mga nahibaluan sa layi tuhoy sa naglapta nga pribado nga conversation online.
Dugang pa sang mga ini wala sang nalapas ang duha ka aktor bangud indi man ini sila kasal apang, ang sala lamang amo ang indi dapat ginasapubliko online ang mga pribado nga pag-istorya nga naglapas suno sa Cyber libel kag privacy law.
