ROXAS CITY-Apat ka mga medical frontliners ang kumpirmado nga nagpositibo sa COVID-19 subong nga adlaw.
Sandig sa ginpaguwa nga official statement ni Roxas City Mayor Ronnie Dadivas, lunsay ini sila may yara sang close contact sa nagpositibo sa COVID-19.
Ang apat ka mga medical frontliners ang ginakalakipan sang mga masunod
1.Case #72 : 42 anyos nga babayi nga healthcare worker, pumoluyo sang Brgy. Tanque Roxas City.
2.Case #73 : 49 anyos nga babayi nga healthcare worker, pumoluyo sang Brgy. Tanque, Roxas City.
3.Case #74 : Siya isa ka 61 anyos nga healthcare worker nga lalaki, residente sang Brgy. XI.
4.Case #75 : 53 anyos nga lalaki nga healthcare worker. Pumoluyo sang Brgy. Cagay, Roxas City.
Sa karon nagapablin nga asymptomatic ang mga nagpositibo nga mga frontliners kag yara na sa quarantine facility.
