Magabukas na sa Oktubre 21 ang aplikasyon para sa mga luyag nga magsulod bilang pulis sa Philippine National Police (PNP).
Sa interview sang Bombo Radyo kay Police Lieutenant Colonel Adolfo Eyan, Officer-in-charge sang Regional Recruitment and Selection Unit 6, iya ginpahayag nga ang recruitment ang santo sa National Police Commission (NAPOLCOM) Resolution 2025-0580 nga nagahatag sang otoridad sa Philippine National Police (PNP) Chief nga mag-recruit sang 6,589 nga mga bag-o nga pulis.
Suno kay Police Lieutenant Colonel Eyan, tinutuyo sang nasambit nga recruitment amo nga i-fill in ang mga nagretiro na, separated in service kag agud madugangan ang populasyon sang mga kapulisan.
Pahayag pa niya, sa Oktubre 21 mahimo na nga magpasa ang mga aplikante sang ila nga requirements sa mga police station kag ini ang magatakop sa Oktubre 29.
Dugang pa sang natungdan, ang pagsulod sa organisasyon sang kapulisan ang isa ka daku nga katungdanan sa diin dapat may yara sang kaalam, kaisog kag handa nga magserbisyo sa pungsod.
