Malipayon nga ginpakigbahin sang actress nga si Arlene Muhlach ang pag-graduate sini sa kolehiyo sa edad nga 55-anyos.
Sa social media account sang actress nag-post ini sang mga laragway nga kuha sa iya graduation day.
“Age is just a number, determination and passion are what truly matters”, pahayag ni Arlene sa iya post.
Ginhiwat ang graduation rites sa Philippine International Convention Center (PICC) kag nagtapos ini sa degree sang Bachelor of Arts in Communication sa Philippine Women’s University.
Ginpahayag sini nga nag-untat siya sang 3rd year college agud hatagan sang ligwa ang iya nga showbiz career kag pamilya.
Kadungan man sini, ginpasalamatan niya ang iya mga professors kag mga classmates sa Expanded Tertiary Education Equivalency and Accreditation Program (ETEEAP) bangud sa pagsalig sa iya nga ikasarang kag abilidad.
Nagbubo naman ang pagpanginbulahan nagikan sa mga kaupdanan sini sa showbiz industry.
