Armas-luthang, boluntaryo nga ginsungka sa banwa sang Panay

Boluntaryo nga ginsungka sang isa ka Barangay Official sa Panay Municipal Police Station ang isa (1) ka yunit sang armas-luthang sa Barangay Poblacion Ilaya, Panay, Capiz.

Ang wala na ginhingadlan nga indibidwal ang residente man sa nasambit nga banwa.

Ginsungka sini ang isa ka unit sang caliber 38 revolver nga wala sang bala.

Nahibaluan nga ini ang kabahin sang mas ginpasangkad nga kampanya sang kapulisan nga Tokhang Kontra Armas-luthang ukon TKAL.

Sa karon, yara na sa paghinakop sang Panay MPS ang nasambit nga armas-luthang kag natalana nga iga-turnover FESAGS Capiz Provincial Police Office para sa nagakaigo nga disposisyon.