-- ADVERTISEMENT --
Boluntaryo nga ginsungka sang isa ka indibidwal sa mga kapulisan sa mga kapulisan sa syudad sang Roxas ang isa (1) ka unit nga armas-luthang.
Ginkilala ang indibidwal kay alyas “Rita”, 61-anyos kag residente sang Brgy. Talon sa sini nga syudad.
Ginsungka sini ang isa (1) ka unit sang caliber 45 pistol kag isa ka magazine nga may anum ka bala.
Nahibaluan nga kabahin ini sang mas ginpasangkad nga kampanya sang kapulisan nga Tokhang Kontra Armas Luthang ukon TKAL.
Sa karon, yara na sa paghinakop sang Roxas City PNP ang nasambit nga armas-luthang kag natalana nga iga-turnover sa FESAGS Capiz Provincial Police Office para sa nagakaigo nga disposisyon.
-- ADVERTISEMENT --
