-- ADVERTISEMENT --
Boluntaryo nga ginsungka sang isa ka Barangay Kagawad sang Barangay Carmencita, President Roxas, Capiz ang 1 ka unit sang .38 revolver nga armas-luthang sa President Roxas Municipal Police Station.
Ang wala na ginhingadlan nga indibidwal ang residente man sang nasambit nga lugar.
Nahibaluan nga ini ang kabahin sang mas ginpasangkad nga kampanya sang kapulisan ang Tokhang Kontra Armas Luthang ukon TKAL.
Sa karon, yara na sa paghinakop sang President Roxas MPS ang nasambit nga armas-luthang kag natalana nga i-turnover sa FESAGS CPPO para sa nagakaigo nga disposisyon.
