-- ADVERTISEMENT --
ROXAS CITY – Isa ka armas-luthang ang ginsungka sang isa ka driver sa banwa sang Panitan.
Personal nga ginturn-over ni Jomel Besana, 46 anyos sang Barangay Poblacion Ilaya, sang amo nga banwa ang isa ka 12 gauge long homemade shotgun sa Panitan Municipal Police Station.
Sa karon, yara na ini sa Firearms Explosives Security Agencies and Guard Supervision (FESAGS) para sa nagakaigo nga disposisyon.
Mahibaluan nga padayon sa karon ang masangkaron nga Tokhang Kontra Armas-Luthang (TKAL) sang hanay sang pulisya.
