PANAY, CAPIZ- Patay ang isa ka Army Reservist matapos nga ginluthang sang wala pa matumod nga suspetsado sa guha sang isa ka tyangge sa bahin sang Barangay Poblacion Ilaya, Panay, Capiz.
Ang biktima amo si alyas “Totong”, yara sa legal nga pang-edaron kag residente sang Barangay Tacas, Pontevedra, Capiz.
Sa inisyal nga impormasyon nga nakuha sang Bombo Radyo sa lugar, ginpahayag nga nagbakal ini sang bugas sa isa ka tyangge sang hinali nalang nga ginluthang sang wala pa makilala nga suspek samtang nga magasakay na kuntani ini sa iya nga motorsiklo.
Gilayon naman nga nagpalagyo ang suspek sakay sa isa ka motorsiklo sa direksyon padulong sa Pontevedra.
Madasig naman nga nagresponde ang MDRRMO Panay kag ginpadangat ang biktima sa ospital apang gindeklarar ini nga Dead on Arrival.
Narekober sa lugar ang pito (7) ka mga basiyo sang bala sang gina-alegar Calibre .45 nga armas-luthang.
Sa karon nagapadayon pa ang imbestigasyon sang mga kapulisan angut sa nasambit nga insidente.
With a report from Bombo Roadnie Daban Dalanon
