Gin-appoint ni Presidente Ferdinand Marcos Jr. si Atty. Jesse Hermogenes Andres bilang Officer-in-Charge (OIC) sang Energy Regulatory Commission (ERC).
Si Andres ang temporaryo nga magatal-os kay ERC Chairperson kag CEO Monalis Dimalanta nga ginsuspinde sang Office of the Ombudsman sa sulod sang anom ka bulan.
Ang appointment paper ni Andres ang ginpermahan ni Executive Secretary Lucas Bersamin sadtong Setyembre 20.
Nakasaad sa memorandum nga awtorisado si Andres nga makakuha sang representation and transportation allowance, extraordinary kag miscellaneous expenses.
Si Andres ang nagserbe bilang Undersecretary sa Department of Justice (DOJ) kun sa diin ginapamalakad sini ang functions sang National Prosecution Service samtang nagahawid man sang directorial positions sa nagkalain-lain nga korporasyon.
