SANGANDAAN, CALOOCAN CITY- Ang relasyon natapos na, pero ang karsada wala pa!
Viral sa isa ka social media post ang isa ka babaye matapos nga natingala sa isa ka karsada sa atubang sang isa ka mall sa Sangandaan, Caloocan City.
Base sa post sang babaye nga ginkilala kay Zaira Villalobos, ginsiling sini nga pito na sila ka bulan nga bulagay sang iya nga ex pero tubtob sa karon wala pa makay-o ang guba nga karsada sa nasambit nga atubang sang mall.
“Kelan kaya to matatapos, 7months na kaming hiwalay ng ex ko hanggang ngayon dika parin tapos,” mabasahan sa iya nga post.
Nag-angkon naman ini sang nanari-sari nga mga makahalam-ot nga komento gikan sa mga netizens.
Dugang pa sini, wala man suno sya nga nagareklamo, apang natingala lang ini bangud nga madugay suno sa iya nga makay-o ang amo nga karsada ilabi pa nga back to school na ang mga estudyante.
Nahibaluan nga ang nasambit nga laragway sang amo nga bahin ang ginkuha sang gab-i sang Sabado, Hunyo 14.
Samtang, wala pa sang reaksiyon, ukon pahayag ang lokal nga gobyerno sang Caloocan City natuhoy sa sino nga butang.
