ALOGUINSAN, CEBU- Patay ang isa ka 39-anyos nga sa Aloguinsan, Cebu matapos nga ginlabo sang iya nga kasilingan samtang ginakuhaan sang biktima sang laragway ang mga balay sa lugar para madokumento ang ginahimo nga pagpangayo sang bulig matapos sila nga gin-igo sang bagyo.
Sa isa ka report, ginsiling nga natabo ang krimen sang February 4, 2026 sa Purok 3, sa Barangay Punay.
Base sa imbestigasyon sang mga kapulisan, ginakuhaan sang biktima sang laragway ang mga balay sa lugar para idokumento para sa pagproseso sang bulig sa mga biktima sang bagyo Tino.
Pila ka minuto ang nakaligad, nag-abot ang suspek kag ginpamangkot kun sa diin ang iya nga iloy. Apang sang nagsabat ang biktima nga wala niya ini makita, diri na ini kag ginlabo sang suspek.
Wala naman nagpalagyo ang suspek apang wala siya gilayon nga nag-surrende sang nag-abot ang mga otoridad.
Sandig sa una nga imbestigasyon sang mga kapulisan, nagaguwa nga may record ang suspek sang problema sa paminsaron kag isa ka drug surrenderee.
