ROXAS CITY-Pilason nga ginpadangat sa Roxas City Police Station ang isa ka babayi nga may diperensya sa paminsaron matapos ginhaboy sang bato sang isa ka lalaki malapit sa isa ka mall nga nahamtang sa Barangay Lawaan, Roxas City.
Kilala ang biktima sa bansag nga “Arikis” kag wala sang permanente nga ginatiniran.
Sandig sa inisyal nga impormasyon nga ginbutong sang nasambit nga babayi ang burangos sang isa ka wala makilala nga lalaki nga ginkaakig sini kag gilayon nga ginhaboy sang duha ka mga bato ang biktima kabangdanan nga nag-angkon ini sang igo sa ulo.
Madasig man ini nga gindapatan sang nagakaigo nga pagbulong sang mga katapo sang Capiz Emergency Response Team (CERT).
Nagapadayon pa sa karon ang imbestigasyon sang mga kapulisan sa nagluntad nga insidente.
