Patay ang 39-anyos nga babayi sa Aloguinsan, Cebu matapos lab-on sang iya sini kalapit-balay.
Sandig sa imbestigasyon sang kapulisan, nagakuha ang biktima sang picture sang mga panimalay sa lugar bilang documentation sa ayuda nga igahatag matapos ang nag-igo sa ila nga bagyo tino.
Nag-abot ang suspek kag ginpamangkot kun sa diin ang iya sini nga iloy apang sang nagsabat ang biktima nga wala ini makahibalo, didtu na kag asud-asud niya ini nga ginbuno.
Naka-angkon sang nagkalain-lain nga pilas sa lawas ang biktima nga gintunaan sang iya nga kamatayon.
Wala nagpalagyo ang suspek kag boluntaryo nga nag-surrender pag-abot sang mga otoridad.
Nahibaluan man nga may nabalhag na nga record sang problema sa paminsaron ang suspek kag isa man ka surrenderee.
Sa subong, nakahunong na ini sa presohan para sa nagakaigo nga disposisyon.
