Nakit-an sang mga residente ang isa ka bag-o bun-ag nga lapsag nga babaye sa isa kay hukay nga natabonan sang duta kag mga mala nga dahon sa isa ka talamnan sa Bayambang, Pangasinan.
Buhi pa ang lapsag sang makit-an apang napatay man gilayon.
Nakit-an sang isa ka mangunguma nga may yara sang tinulo sang dugo sa duta rason nga ginsugid niya ini sa mga opisyal sang barangay.
Sang ginsundan sang mga opisyal kag residente ang tinulo sang dugo, nakalab-ot sila sa isa ka puno sang paho kag nakabati pa sang hibi sang bata.
Gilayon nila ginpangita ang bata kag Nakita ini sini sa hukay nga natabonan sang duta kag mga mala nga dahoon.
Suno sa mga residente nga nagkuha sang lapsag, may duta pa sa ilong kag bibig sang bata nga gilayon nila gintinloan kag gindala sa ospital.
Apang, wala gid masalbar ang bata kag nagpatay.
Na-identify naman sang mga otoridad ang iloy sang lapsag kag yara na sa ila kustdiya.
Wala pa sang may ginhatag nga pahayag ang iloy.
