Baton ni Senate President Francis “Chiz” Escudero ang bag-o nga ginhamtang ni Presidente Ferdinand Marcos Jr nga Presidente sang Philippine Health Insurance Corporation ukon Philhealth nga si Dr. Edwin M. Mercado.
Gintal-usan ni Mercado si anay Philhealth President Emmanuel Ledesma.
Suno kay Escudero, sadto pa kun tani gintal-usan ang anay presidente bangud sa mahaba nga tion nga wala sini ginhimo kag ginsabat ang nagapanguna nga kinahanglanon sang mga Pilipino.
Ini man suno ang rason kun ngaman ginhatagan sang Kongreso nga zero subsidy ang state health insurer subong nga tuig.
Bangud bag-o na ang presidente sang Philhealth, nagalaum ang presidente sang Senado nga maisaayos na nila ang problema sa sulod sang ahensya ilabi na pag-abot sa benepisyo sang mga Pilipino.
Ginalauman man sini nga pagatutukan sang Philhealth ang benepisyo sang mga miyembro sini kag masiguro nga sigurado sa kinahanglanon nila kag indi lamang ihatag ang luyag sang mga ini.
