Nagsaka na sa 774 ang bag-o nga kaso sang Leptospirosis sumugod sang Setyembre 8 tubtob 21 suno sa Department of Health (DOH).
Suno sa DOH ang bag-o nga kaso sang Leptospirosis ang nagdasig sang duha ka beses sumugod 381 sang Agosto 25 tubtob Setyembre 7.
Nabalhag naman sang ahensya ang kabug-usan nga 509 nga kaso sang mga napatay sa nasambit nga balatian mas manubo sang 11 percent kesa sang nakaligad nnga tuig nga 570 ang mga nabalhag nga napatay.
Sandig pa sa pagtaya sang ahensya naghabok na sa 5,835 ang kabug-usan nga kaso sang leptospirosis sumugod sang Oktubre 5, mas mataas sang 16 percent kesa sa 5,050 sang kabug-usan nga numero sa kapareho nga tion sang 2023.
Sa datos sang DOH ang mga lugar sa Central Visayas, Northern Mindanao, South Cotabato, Cotabato, Sultan Kudarat, Sarangani, kag General Santos ang indi nakabalhag sang pagtaas sang leptospirosis sumugod sang nakaligad nga apat ka semana.
Nagpaandam naman si DOH Secretary Teodoro Herbosa sa publiko tuhoy sa risgo sang Leptospirosis tuga sang mga pagbaha.
Dugang pa ni Herbosa, kun naga-ulan kag nagabaha, likawan maglusong sa mga baha.
