Ginpahamtang bilang bag-o nga hepe kag tagpamaba sang Division Public Affairs Office (DPAO) sang 3rd Infantry (Spearhead) Division si Major Ivy D. Arcangeles (AGS) PA.
Pagatal-usan ni Arcangeles si LTC J-Jay T Javines sa nasambit nga posisyon.
Dugang pa, tumandok sang banwa sang Dumarao si Major Arcangeles kag ini ang nagtapos sa kurso nga Bachelor of Elementary Education sa isa ka Christian University diri sa syudad.
Isa man ka lisensyado nga manunudlo si Arcangeles apang ginpili sini nga mangin suldado kag gintapos ang iya Military Officer Course sa Officer Candidate School, Training and Doctrine Command sa Capas, Tarlac sang tuig 2007.
Nangin anay Company Commander sang 33rd Civil-Military Operations Company, 3rd CMO Battalion man si Arcangeles halin Hulyo 2020 tubtob Septyembre 2022.
