Naghinay pa kag isa na lamang ka severe tropical storm ang Bagyo nga “Carina” samtang yara sa nabagatnan-nasidlangan sang China.
Ulihi nga nasuiplatan ang sentro sang bagyo sa layo nga 630 kilometers nakatungdan-nabagatnan sang Itbayat, Batanes.
Nagahulag ini pa nakatungdan-nabagatnana sa kadasigon nga 15 kilometers per hour nga may kabaskugon sang hangin nga nagkab-ot sa 110 km/h kag pagbugso nga tubtob sa 135 km/h.
Wala na sang lugar sa pungsod ang yara sa sa idalum sang tropical cyclone wind signal.
Apang may mga pag-ulan sa gihapon sa Batanes, Babuyan Islands, Ilocos Cordillera Administrative Region, Nueva Vizcaya, Quirino, Isabela, Central Luzon, Metro Manila, CALABARZON, MIMAROPA, Bicol Region, Western Visayas, Negros Occidental, kag Northern Samar bunsod sang Habagat.
Samtang, isa ka panibag-o nga low pressure area (LPA) ang nasiplatan sa bahin sang Mindanao.
Suno sa PAGASA, wala pa ini sang direkta nga epekto sa pungsod kag manubo pa sa subong ang tiyansa nga mangin bagyo.
