-- ADVERTISEMENT --
Wala na sang direkta nga epekto ang Bagyong Bising sa pungsod apisar nga yara pa ini sa Philippine Area of Responsibility (PAR), suno sa state weather bureau.
As of 4 a.m. subong nga aga, ang Bagyo Bising ang nahamtang sa 405 km Northwest sang Itbayat, Batanes.
May kabaskugon ini sang hangin malapit sa sentro nga 130 km/h kag pagmadlos tubtob 180 km/h.
Sa karon, nagahulag ini pa-Northeast sa kadasigon nga 25 km/h.
Samtang, wala naman sang tropical cyclone wind signal nga ginpataas kag ang Bising indi na magdala sang ulan sa pungsod.
-- ADVERTISEMENT --
Apang bangud sa padayon nga presensya sang hangin habagat, dako sa gihapon ang tsansa sang pagtupa sang ulan sa kadam-an sang Luzon, western section sang Visayas, kag Mindanao.
