ROXAS CITY-Dako ang kalipay sang isa ka ginang matapos nabaton ang isa ka balay nga ginpatindog sang mga kapulisan sa idalum sang programa sang Capiz Police Provincial Office (CPPO) nga “Bahaynihan Project” sa Barangay Matagnop,Dao Capiz.
Ginpahayag ni Police Captain Efren Yu-ing, Hepe sang Dao Municipal Police Station nga labing una nga benepisyaryo sa nasambit nga banwa si Mrs. Marilyn Estorninos.
Gindugang pa ni Yu-ing nga magluwas sa balay, nakabaton man sang mga groceries ang pamilya Estorninos.
Samtang suno pa kay Yu-ing nga may yara pa sang dugang nga benepisyaryo sang proyekto ang lauman sang mga pumuluyo sa banwa sang Dao.
Ginpangunahan naman ni Police Col. Julio Gustilo, Provincial Director sang CPPO ang nasambit nga programa nga gintambungan ni Capiz Governor Esteban Evan Nonoy Contreras kag Vice Governor James Mitang Magbanua.
