Baklanay sang itlog sa Teodoro Arcenas Trade Center, matumal

Nagapanghakroy ang pila ka mga manugbaligya sang itlog bangud sa mahina nga kita sa kada adlaw sa Teodoro Arcenas Trade Center.

Sa interview sang Bombo Radyo kay Nela Pabot, Egg Vendor, iya ginpahayag nga matumal ang ila bentahanay sa subong kun ipaanggid sa nagligad nga mga inadlaw nga makaubos pa sila sang pila ka tray sang itlog kada adlaw.

Yari ang presyo sang iya ginabaligya nga itlog:

Small – P210 kada tray

Medium – P235 kada tray

Large – P255 kada tray

XL – P265 kada tray

Jumbo – P295 kada tray

Itlog alat – P380 kada tray

Suno kay Pabot, bisan matumal ang bentahanay, padayon gihapon siya sa pagbaligya agud makapangabuhi.

Nahibaluan man nga dekada na nga nagabaligya sang itlog ang natungdan sa amo nga merkado.