BANICA, ROXAS CITY – Mahina pa ang baklanay sang kandila kadungan sang bisperas sang tigkalalag.
Sa interview sang Bombo Radyo kay Romy,manugbaligya sang kandila sa bahin sang Divine Jesus Memorial Park, Barangay Banica, Roxas City, iya ginpahayag nga mahina pa ang ila nga kita bangud gamay pa lang ang tawo nga nagapadulong sa patyo.
Suno kay Romy, mas mabakal ang ila nga baligya sang nagligad nga tuig kun ikumpara sa subong nga tuig 2025.
Pahayag pa niya, nagalaum sila nga sa buwas nga adlaw, Nobyembre 1 kag sa Nobyembre 2, madugangan man ang ila nga kita kadungan sang pagdagsa sang mga tawo sa patyo agud bisitahon ang ila nagtaliwan nga mga himata.
Sa subong, wala sang pagbag-o sa presyo sang kandila nga nagabili halin P10 tubtob P35 depende sa kadakuon.
Interviewed by: Bombo Sunnie Mae Batencila via Bombohanay sa Udto
