Totally burned ang isa ka balay kag isa ka bodega matapos masunog kaina sang kaaganhon sa takna alas-4:25 sa Inocencio St. Barangay Tiza, Roxas City.
Ginkilala ang tag-iya sang balay kay Hermenio Dolpo, 27-anyos samtang ang bodega naman ang ginapanag-iyahan ni Elma Albano, 47-anyos.
Sa impormasyon nga nakuha sang Bombo Radyo nagikan sa Roxas City Fire Station, nakabaton ang mga ini sang tawag sa takna 4:20 kaina sang kaaganhon kag madasig naman nga ginrespondehan sang mga ini ang lugar.
Gindeklarar naman nga fireout takna alas-4:48.
Mahibaluan nga human sa light materials ang amu nga puluy-an kag bodega.
Samtang, ginabulubanta nga nagdangat sa kapin P11,025 ang inisyal nga nangin kahalitan sang amo nga sunog.
Sa karon, wala pa matul-id kun anu ang gintunaan sang sunog kag padayon pa ang imbestigasyon sang mga otoridad angut sa nasambit nga sunog.
