PANITAN, CAPIZ – Partially burned ang isa ka puluy-an matapos ang nagluntad nga sunog kaina sang kaaganhon matapos ang nagluntad nga sunog sa Sitio Proper, Brgy. Quios, banwa sang Panitan.
Ang nasambit nga puluy-an ang ginapanag-iyahan ni Rene Derecho Doconte, 50-anyos kag residente sang nasambit nga lugar.
Sandig sa nakuha nga impormasyon sang Bombo Radyo nagikan sa BFP-Panit an, may nabaton ang mga ini nga tawag sa ila talatapan nga may nasunog nga isa ka puluy-an.
Madasig naman sang ini nga gin-respondehan ang lugar kag suno diri nagsugod ang sunog takna ala-1:19 sang kaaganhon kag gindeklarar ini nga fire out takna alas-2:05 na sang aga.
Dugang pa sini nga human sa concrete materials ang amu nga balay nga nagdangat sa kapin P250,000 ang sang nangin kahalitan sa natabo nga insidente.
Sa karon, padayon pa ang imbestigasyon sang BFP-Panitan agud mahibaluan kun ano ang gintunaan sang nasambit nga sunog.
