ROXAS CITY – Ginsulod sang wala matumod nga mga kawatan ang isa ka balay sa Barangay Dayao, Roxas City.
Ang tag-iya sang nasambit nga balay amo si Mary Grace Eslamba, 37 anyos.
Base sa ginparekord ni Eslamba, nagahigda na siya sang nakabati ini nga kasubong may nagalakat sa ila nga sala rason nga iya ini nga gintsekyar.
Didto kag nakita sini ang isa ka lalaki kag isa ka bata nga nakasuksok sang mask.
Suno diri nga gintayaan pa siya sang lalaki sang kutsilyo kag naghambal nga wala sila sang iban nga tuyo magluwas lamang sa pagkaon kag kwarta.
Bangud sa kahadlok, naghambal mismo si Eslamba sa mga kawatan nga kuhaon ang mga pagkaon kag kwarta, indi lang ang iya mga alahas.
Nakuha sang mga kawatan ang mga pagkaon sa ref sang biktima kag kwarta nga masobra P5, 500.
Madasig naman nga nagpalagyo ang mga ini matapos ang insidente.
Gilayon naman nga nagpadulong sa Roxas City Police Station si Eslamba agud iparekord ang natabo.
