Naghina ang baligyaanay sang bugas sa Teodoro Arcenas Trade Center sa Roxas City.
Ang presyo sang bugas ang yara regular milled rice ₱50 kada kilo, well-milled rice ₱55 kada kilo, premium rice ₱58 kada kilo kag imported rice ₱60 kada kilo.
Sa interview sang Bombo Radyo kay Edilberto Cambe, Presidente sang Roxas City Rice Association, iya ginpahayag nga ang padayon nga pagsaka sang presyo sang mga balaklon amo ang isa sa mga rason sang paghina sang baligyaanay sang bugas.
Suno kay Cambe, ginalauman nga posible pa nga magsaka ang presyo sang bugas kag maglab-ot sa ₱62 kada kilo bangud sang pagnubo sang produksyon tuga sang epekto sang El Niño.
Nagalaom man ini nga mapatuman ang price cap ukon pagkontrol sa pagsaka sang presyo sang imported nga bugas sa pungsod.
