Baligyaan sang isa ka motorsiklo ginsulod sang wala matumod nga kawatan

ROXAS CITY – Nagparekord sa Roxas City Police Station ang isa ka 31-anyos nga lalaki matapos nga ginaalegar ginsulod sang wala matumod nga mga kawatan ang baligyaan sang motorsiklo sa Km. 1, Barangay Lawaan, Roxas City.

Ginkilala ang tagreklamo nga si James Carl Bajador sang nasambit nga lugar.

Sandig sa ginpabalhag sang tagreklamo nga natukiban na lamang nila nga bukas na ang ila opisina kag wala na sang unod nga kwarta ang kaha nga ginabutangan nila sang ila mga benta.

Ginapatihan nga posible nga ginsulod sang wala matumod nga mga kawatan ang ila opisina.

Bangud diri, nadesisyunan na lamang nila nga iparekord sa pulisya ang insidente.